1) Պետությունը քաղաքական համակարգի
առաջնային ինստիտուտ։
2) Պետության բնութագրիչները, տարրերը,
խնդիրները։ Պետությունը:
3) Իշխանություն հասկացությունը, քաղաքական
իշխանություն։
4) Իշխանության լեգիտիմության հարցը։
Քաղաքագիտությունը ուսումնասիրում է մարդու և հասարակության
կապը պետական կառույցների հանդեպ, ինչպես նաև ուսումնասիրվում է պետության քաղաքականության
նպատակահարմարությունը։ Պետությունը քաղաքական համակարգի գլխավոր ինստիտուտն է: Պետության
տեղը, դերը և նշանակությունը որոշվում են պետության ձեռքում քաղաքականության միջուկը
կազմող իշխանական լիազորությունների և ռեսուրսների առավելագույն կենտրոնացմամբ, որը
նրան հնարավորություն է տալիս արդյունավետ իրականացնել հասարակության կառավարման հիմնական
գործառույթները: Պետությունը քաղաքական ամբողջություն է, որը ստեղծվում է էթնիկական
կամ բազմազգ ընդհանրությամբ, հաստատված է որոշակի տարածքի վրա, որտեղ գործում է քաղաքական
էլիտայի կողմից սահմանված իրավական կանոնակարգը` իր մենաշնորհը դարձնելով ինստիտուցիոնալացված
իշխանությունը և հարկադրանք կիրառելու օրինական իրավունքը:
Պետությունը պետք է ունենա չորս հիմնական բաղադրիչ.
1)Տարածք
2) Կայուն բնակչություն,
3) Կառավարման յուրային համակարգ
4) Արտաքին քաղաքականություն
Պարզ է, որ միայն տարածքի և բնակչության առկայության պայմաններում կարող է ստեղծվել պետություն: Եթե պետությունը չի կառավարվում ժողովրդի կամքով և ազգային շահերով, ապա այն չի կարող վարել առողջ արտաքին քաղաքականություն:
Պետությունն ունի որոշ սահմանումներ։
«Պետությունը կարգուկանոնի պահպանման մասնագիտացված և խտացված ուժ է: Պետությունը
հաստատություն կամ հաստատությունների շարք է, որի գլխավոր խնդիրը (մյուս բոլոր խնդիրներից անկախ) կարգուկանոնի պահպանությունն է: Պետությունը գոյություն ունի այնտեղ, որտեղ կարգուկանոնի պահպանության մասնագիտացված - օրգանները, ինչպես, օրինակ, ոստիկանությունն ու դատարանը, անջատվել են հասարակական կյանքի մյուս ոլորտներից: Դա էլ հենց պետությունն է»։
«Պետությունը իրավունքի մարմնավորումն է հասարակության մեջ»։
«Պետությունը գոյություն ունի ոչ նրա համար, որպեսզի երկրային կյանքը դրախտի վերածի, այլ՝որպեսզի խանգարի նրա՝ վերջնականապես դժոխքի վերածվելուն»։
Նիկոլայ Բերդյաև
«Յուրաքանչյուր պետության կայացածության աստիճանը պայմանավորված է այն ստեղծող ժողովրդիդավանած ազատության և արդարության իդեալների որակով»։
Շանթ Հարությունյան
Իշխանություն, հեղինակություն,
իրավավարչական կամ քաղաքական միավոր։ Իշխանությունը որպես հեղինակություն, առաջանալով
հասարակության արշալույսին՝ հասարակական արտադրությունը կազմակերպելու նպատակով ձգտել
է իր կամքին ենթարկել, կարգավորել ու կառավարել հասարակության անդամների
գործողություններն ու փոխհարաբերությունները։ Այն անընդհատ զարգանում է ու շարունակում
է կատարելագործվել։ Մինչև դասակարգերի ու պետության առաջացումը կրել է հասարակական
բնույթ՝ չունենալով հասարակությունից վեր կանգնած մարմիններ։ Իշխանությունը ներկայացրել
են տոհմացեղային ընտրովի ավագները՝ առաջնորդները։ Դասակարգերի ծագումը, քայքայելով
տոհմացեղային արյունակցական կապերը, առաջնորդների բարոյական հեղինակությունը փոխարինել
է համընդհանուր հեղինակության իշխանությամբ, որն արդեն առանձնացել, վեր է կանգնել հասարակությունից,
ընդունել դասակարգային բնույթ և աստիճանաբար դարձել ժառանգական։ ժառանգականությունը
սակայն վերացվել է կապիտալիստական հասարակությունում, որում բուրժուազիան հաստատել
է իր տիրապետությունը։ Դասակարգային հասարակարգերում իշխանությունները հանդես են եկել
տարբեր ձևերով ու անվանումներով (իշխանական դքսություն, հերցոգություն, թագավորություն,
խանություն, կայսրություն,հանրապետություն) և այժմ էլ հարատևում են նույն կամ
նոր տարատեսակներով ու անուններով՝ միշտ արտահայտելով իշխող խավերի շահերը։
Քաղաքական համակարգ ասելով`
հասկանում ենք որոշակի տեսակի պետական իշխանություն վերարտադրող համակարգ, որը իր զարգացման
ընթացքում, թեկուզ ենթակա է որոշակի փոփոխությունների, սակայն անփոփոխ պահպանում է
հիմնական բնութագրիչները, որոնցով և տարբերվում է այլ համակարգերից: Այն կարելի է դիտարկել
լայն և նեղ առումներով: Նեղ իմաստով քաղաքական համակարգը պետության սահմանադրական կարգով
պայմանավորված իշխանության մարմինների, քաղաքական կուսակցությունների և քաղաքացի-ընտրողների
փոխհարաբերություններն են, իշխանության ձևավորման և իրականացման իմաստով նրանցից յուրաքանչյուրի
իրավունքների և պարտավորությունների ամբողջությունը:
Լեգիտիմությունն այն իշխանության
բնութագիրն է, որն ընդունում են զանգվածները և հենվում իշխանության կարգադրություններին
նրանց կամովին ենթարկվելու սկզբունքի վրա: Ի տարբերություն լեգալության, որը միայն
պետական փաստաթղթերում իշխանության իրավաբանական ամրագրումն է և բնորոշ է ներկայիս
գրեթե ցանկացած քաղաքական իշխանության՝ խոսքն իշխանության հասարակական ճանաչման, վստահության
և աջակցության մասին է:
«Լեգիտիմություն» տերմինը
ծագել է XIX դ. առաջին կեսին և արտահայտում էր միապետի, որպես գերագույն իշխանության
միանձնյա կրողի, իշխանության վերահաստատման անհրաժեշտությունը: Սակայն լեգիտիմության
հիմնավորման պահանջը ծագել է ավելի վաղ: Միջին դարերում դա եկեղեցու գերիշխանության
ընդունումն էր: Թովմա Աքվինացին և Հովհան Սոլսբերցին փորձում էին հիմնավորել, որ միակ
օրինական իշխանությունը եկեղեցու իշխանությունն է:
Մեր օրերում լեգիտիմությունը
քաղաքակիրթ իշխանության պարտադիր հատկանիշն է: Այս կամ այն իշխանության և, իհարկե,
կառավարող խմբի լեգիտիմության կամ ոչ լեգիտիմության հարցը հնարավոր չէ լուծել միանշանակ
ձևով: Ըստ էության լեգիտիմության հիմքերը սոցիալական հնչեղություն ունեցող պատճառներն
ու համգամանքներն են, որոնք հիմնավորում են մարդկանց տվյալ խմբի իշխելու իրավունքը:
Комментарии
Отправить комментарий