1.
Ի՞նչ դեր ու նշանակություն ունի հողը բնության մեջ և մարդու կյանքում:
2.
Ձեր կարծիքով ինչու՞ են հողն անվանում տվյալ էկոհամակարգի հայելին:
3.
Ի՞նչպես է ազդում աղտոտված հողը ամբողջ էկոհամակարգի վրա:
4.
Ի՞նչպես ճիշտ օգտագործել ու պահպանել հողը:
1.Հողը Երկրակեղևի՝ բերրիությամբ օժտված մակերեսի փխրուն շերտն է, որն առաջացել
է լեռնային ապարներից՝ ֆիզիկական, քիմիական և կենսաբանական համատեղ գործունեության
հետևանքով: Հողը կապ է հանդիսանում
կենդանի օրգանիզմների ու անկենդան բնության միջև: Հողը այն միջավայրն է, որում փոխազդում
են կենսոլորտի տարրերի մեծ մասը, ջուրը, օդը և կենդանի օրգանիզմները:
Մակերեսային շերտը բնակեցված է կենդանիներով, մանրէներով, բույսերի բազմաթիվ տեսակներով
և դրանց մնացորդներով, որոնք կազմում են հումուսի հիմքը: Հումուսը կայուն օրգանական
նյութ է, որը պահպանվում է քայքայման գործընթացներից հետո: Հողը կազմող տարրերը կարող
են գտնվել երեք ֆիզիկական վիճակներում՝ պինդ, հեղուկ, գազային: Պինդ վիճակում գերակշռում
են հանքային գոյացությունները և օրգանական նյութերը, որոնց թվին է միանում նաև հումուսը:
Հողի հեղուկ վիճակը՝ հողային լուծույթը, կազմում է ջուրը իր մեջ լուծված հանքային միացություններով,
ինչպես նաև՝ գազերով: Ջրից զուրկ հողային տարածքներում գոյանում է <<հողային
օդը>>, որն իր մեջ ներառում է զանազան գազեր:
Հողում բնակվում են բազմաթիվ կենդանի օրգանիզմներ՝ բակտերիաներ, ջրիմուռներ, սնկեր,
միաբջիջ կենդանիներ, որդեր, հոդվածոտանիներ ու մանր կաթնասուններ:
Հատկապես նկատելի է հողի՝ որպես սանիտարական պաշտպանիչ շերտի նշանակությունը: Այն հանդես է գալիս որպես հզոր բակտերիալ ֆիլտր ջրային լուծույթների մաքրման համար և օժտված է քիմիական միացությունները կապելու մեծ ունակությամբ: Հողի մաքրող դերը հիմնականում կախված է նրա ֆիզիկական ու քիմիական հատկություններից:
Հողը բարդ բնական համակարգ է, որտեղ կենդանի օրգանիզմների և այլ գործոնների ազդեցությամբ
տեղի է ունենում բարդ օրգանական միացությունների առաջացում և քայքայում: Հանքային նյութերը
բույսերի միջոցով կլանվում են հողից, մտնում են նրանց օրգանական միացությունների, ապա՝
բուսակեր օրգանիզմների օրգանական նյութերի, իսկ հետո՝ միջատակեր և գիշատիչ կենդանիների
կազմի մեջ: Բույսերի և կենդանիների մահից հետո օրգանական նյութերն անցնում են հողի
մեջ: Հողային մանրէները քայքայում են այդ օրգանական միացությունները, որոնք էլ
բազմաթիվ բարդ և բազմաստիճան ռեակցիաների արդյունքում վերածվում են բույսերի
համար մատչելի նյութերի:
Էներգիայի 88%-ը, որը մարդն ստանում է սննդից, հողի օրգանական նյութերն են, իսկ
մնացած 10%-ը ստանում են անտառներից,
դաշտերից, արոտավայրերից և միայն 2%-ը՝ Համաշխարհային օվկիանոսից:
Հողը, ի տարբերություն մյուս բոլոր արտադրամիջոցների, ճիշտ օգտագործելու դեպքում
չի սպառվում, այլ ընդհակառակը՝ անընդհատ բարելավվում է, տարիների ընթացքում բարձրացնելով
բերրիությունը:
2․ Իմ կարծիքով հողը անվանվում
է տվյալ էկոհամակարգի հայելի, քանի որ ի վերջո բոլոր վնասակար և օգտակար նյութերը ի
վերջո անցնում են հողի բաղադրության մեջ։
3․Օդի և ջրի նման հողը ևս
ենթակա է աղտոտման: Հիմնական աղտոտման աղբյուրներից մեկը մթնոլորտն է: Մթնոլորտի վնասակար խառնուրդները իջնելով
հողի մակերեսին, թափանցում են գրունտային ջրերի մեջ, իսկ դրանց մի մասն էլ փոշու տեսքով
վերադառնում է մթնոլորտ:
Նաև աղտոտման աղբյուրներն են մետաղաձուլական գործարանների, նավթարդյունաբերական
և արդյունաբերական այլ ձեռնարկությունների թափոնները: Նման աղտոտումները
տարածվում են հսկայական տարածությունների վրա և նկատվում են երկրագնդի
ամենահեռավոր վայրերում: Ընդ որում հողի մակերեսային բերրի շերտում կարող են
կուտակվել մանգանի, քրոմի, պղնձի, կոբալտի, նիկելի և կապարի վտանգավոր
միացություններ, ինչը 20 – 50%-ով իջեցնում է գյուղատնտեսական մշակաբույսերի առատությունը:
20-րդ դարի
երկրորդ կեսից առաջացավ ռադիոակտիվ տարրերով
հողի աղտոտման վտանգը: Ռադիոակտիվ նյութերը ատոմային պայթյուններից հետո թափանցում
են հողի մեջ և կուտակվում այնտեղ տեղումների
արդյունքում: Տեղ-տեղ հողը կարող է աղտոտվել ատոմային էլեկտրակայանների և այլ ձեռնարկությունների
թափոնների ռադիոակտիվ տարրերով:
Պեստիցիդները քիմիական միացությունների խմբեր են,
որոնք կիրառվում են անցանկալի և վնասկար օրգանիզմները ոչնչացնելու կամ դրանց
թվաքանակը կրճատելու համար: Այս քիմիկատներից ոչ մեկը օժտված չէ բացարձակ
ընտրողականությամբ այն օրգանիզմի նկատմամբ, որի դեմ կիրառվում է: Այդ բոլոր
միացությունները վնաս են բոլոր օրգանիզմների և, ընդհանրապես, կենսոլորտի համար:
Ժամանակակից գյուղատնտեսությունը չի
կարող հրաժաևվել և չօգտագործել պեստիցիդներ, այլապես բերքի մեծ կորուստներ
ունենալու վտանգ կարող է առաջանալ: Հետևաբար, պեստիցիդներն անհրաժեշտ է կիրառել
մեծ զգուշությամբ և պետք է կարողանալ կանխագուշակել կենդանի օրգանիզմների,
էկոլոգիական համակարգերի և մարդու վրա դրանց ունեցած բացասական ազդեցության
հնարավոր էկոլոգիական հետևանքները: Բացի այս ամենից պեստիդների մեծ բացասական
ազդեցություն ունեն մեղուների վրա, ինչի պատճառով շատ Եվրապական երկրներում նրանք
արդեն գրեթե վերացել են, իսկ դա ազդում է պտղատու ծառերի փոշոտման վրա։
Աշխարհում ներկայումս տարեկան
կտրվածքով արտադրվում է շուրջ 200 մլն տ հանքային պարարտանյութ: Սակայն այդ
պարարտանյութերի կիրառումից ցանկալի արդյունքի հասնելու համար անհրաժեշտ է այդ
թվաքանակին ավելացնել ևս 500 մլն տ:
Հանքային պարարտանյութերով հողի
պարարտացումը միշտ ունենում է միևնույն անխուսափելի հետևանքը: Առանց
պարարտանյութերի գյուղատնտեսական արտադրանքը խիստ կնվազի, ինչն անխուսափելիորեն
կբերի ծանր սոցիալական խնդիրների: Սակայն անհրաժեշտ է հաշվի առնել որ կան նաև էկոլոգիական
հետևանքները, որոնք ծագում են հանքային պարարտանյութերի կիրառման պատճառով: Հանքային պարարտանյութերի օգտագործման կաննոների խախտման դեպքում մեծանում է
հողի թթվայնությունը, փոխվում է հողային օրգանիզմների տեսակային կազմը, խախտվում է
նյութերի շրջապտույտը, քայքայվում է հողի կառուցվածքը, որոնց արդյունքում հողի
բերրիությունը ընկնում է: Պարարտանյութերը բացասաբար են ազդում ոչ միայն հողի,
այլև մթնոլորտի և ջրային էկոհամակարգերի վրա:
4․ Հողերի պահպանման գլխավոր ուղղությունը
էրոզիայի դեմ պայքարն է: Էրոզիայի դեմ պայքարը բազմաբնույթ միջոցառումների համալիր
է, որի նպատակն է պաշտպանել հողի վերին` առավել բերրի շերտը տեղատարումից, վերականգնել
և բարելավվել հողատարածությունները: Հակաէրոզիոն և բարելավման միջոցառումների շարքում
առանձնանում են հետևյալ առավել կարևորները.
·
Առաջավոր
ագրոտեխնիկան
·
Հողաբարելավումը
·
Հողերի վերականգնումը
·
Պայքար հողերի աղտոտման դեմ
Առաջավոր ագրոտեխնիկան հատուկ
նշանակություն է տալիս հողի մշակմանը, որի ընթացքում ոչ միայն բացառվում է դրա
քայքայումն ու տեղատարումը, այլև բարելավում է հողի վերին շերտի կառուցվածքը, ինչի
արդյունքում հողը դառնում է ավելի բերրի: Լավ արդյունքի օրինակ է, թեք լանջերի
հերկումը վերից վարի փոխարեն լայնակի դրվածքով: Լայնակի վարուցանքի դեպքում
դանդաղում է ջրի հոսքը, հետևաբար և նվազում հողի էրոզիան:
Միջոցառումների մի ամբողջ համալիր է իրենից
ներկայացնում հողաբարելավումը` հողերի մելիորացիան: Հողաբարելավման բոլոր
միջոցառումների հիմնական նպատակն ու արդյունքը նույնն է` հողային շերտի
պահպանություն և բերրիության բարձրացում: Հողերի մելիորացիայի տեսակները բավականին շատ են՝ հասնում են 30-ի։ Դրանցից մի
քանիսն ունեն նաև կարևոր հողապաշտպան, հակաէրոզիոն նշանակություն: Հատկապես աչքի է
ընկնում "ագրոանտառամելիորացիան", երբ ստեղծվում են դաշտապաշտպան անտառաշերտեր,
կատարվում է զառիթափ լանջերի, ձորակների և ավազուտների անտառապատում:"Ագրոանտառամելիորացիան"
լավ արդյունք է տալիս հատկապես տափաստանային և անտառատափաստանային զոնաներում: Հարյուրավոր
կմ երկայնքով դաշտապաշտպան արհեստական անտառներ են ստեղծվել Ամերիկայում, Կանադայի
հարավային նահանգներում, Միջին, Հարավային և Արևելյան Եվրոպայում, Ուկրաինայում, Ռուսաստանում
և Ղազախստանում: Դաշտապաշտպան անտառաշերտեր ստեղծելու համար օգտագործում են հատուկ
ծառատեսակներ: Որպես գլխավոր ծառատեսակներ են ծառայում կաղնին, սոճին, բարդին, հացենին,
սպիտակ ակացիան, կվենին: Այս ամենի շնորհիվ հողը բացի էրոզիայից պաշտպանվելուց, նաև
բարելավվում է, ինչից էլ մեծ աճ է ունենում բերրիությունը: Անտառաշերտերով պաշտպանված
դաշտերում, օրինակ, աշնանացան ցորենի, եգիպտացորենի, մի շարք տեխնիկական մշակաբույսերի
և ցանովի խոտերի բերքատվությունը 20-25%-ով ավելանում է, ի տարբերություն չպաշտպանված
դաշտերի:
Հողերի պահպանության
տարածված այլ եղանակ է հողերի վերականգնումը (ռեկուլտիվացիա): Հողերի ռեկուլտիվացիան
ուղղված է մարդու կողմից խախտված հողերի վերականգնմանը: Հողաշերտը ամենից շատ խախտվում
է բաց հանքերի շահագործման և լայնածավալ շինարարական աշխատանքների ժամանակ: Շինարարական
աշխատանքները ավարտելուց հետո, կատարում են հողի ռեկուլտիվացիա: Հողերի ռեկուլտիվացիան
բաղկացած է երկու փուլից` տեխնիկական և կենսաբանական: Տեխնիկական ռեկուլտիվացիայի փուլում
կատարվում է տարածքի հարթեցում, որից հետո այն ծածկվում է բերրի հողաշերտով: Դա լինում
է այլ վայրերից բերված կամ էլ հենց շինարարական աշխատանքները սկսելուց առաջ հավաքված
հողը, որը համարվում է բերրի: Կենսաբանական փուլում կատարվում է մեծ և միջին քարերի
հավաքում, հողի վարուցանք և պարարտացում: Վերջնական փուլում կատարվում է ծառատունկ,
բույսերի մշակում և խոտացանություն:
Հողային ռեսուրսները
պահպանելու և վերականգնելու հետ միասին մարդիկ շահագրգռված են այդ ռեսուրսների ռացիոնալ
օգտագործմանը: Դա հողերի այնպիսի օգտագործումն է, երբ ոչ միայն պահպանվում ու բարելավվում
են հողի հատկությունները, այլև ստացվում է տնտեսական բարձր արդյունք: Հողային ռեսուրսների
ռացիոնալ օգտագործման միջոցներից են արհեստական ոռոգումը (իռիգացիա), գերխոնավ հողերի
ցամաքեցումը, աղակալած հողերի լվացումը (քիմիական մելիորացիա), հողերի մաքրումը քարերից,
նաև ծառերից ու թփուտներից և կոճղերից:
Комментарии
Отправить комментарий