Ջրոլորտ

1.            Ինչպիսի ջուր ենք խմում մենք:

2.            Ինչն է աղտոտում մեր միջավայրի ջուրը:

3.            Ինչե՞ս է ազդում աղտոտված ջուրը ձեր առողջության վրա:

4.            Ինչպես պահպանենք ջրոլորտը աղտոտումից:

5.            Ինչ բնույթ կստանա ջրի հիմնախնդիրը 50 տարի հետո: 

Այն ջուրը որը մենք խմում ենք գալիս է Հայաստանի սարերի սառնորակ և քաղցրահամ աղբյուրներից։ Ցավոք անցնելով շատ երկար ճանապարհ այն դառնում է կեղտոտ և որոշ չափով նույնիսկ վնասակար։ Աղբյուրից մինչև քաղաք հասնելու ճանապարհին այն աղտոտվում է, ինչի  պատճառով ջուրը դառնում է վնասակար և վտանգավոր առողջության համար։  Դա տեղի է ունենում այն պատճառով, որ տարբեր գյուղերում և քաղաքներում բնակիչները իրենց աղբը թափում են գետը մտածելով, որ գետը այդ կեղտը ուղղակի կտանի և ոչ մի վնաս չի լինի։ Մեկ այլ աղտոտիչ են խողովակները, որոնցով ջրամբարից ջուրը հասնում է քաղաք, այնտեղից ել՝ բազմաթիվ շենքեր և տներ։ Այդ խողովակները արդեն գրեթե 50 տարի չեն փոխվել և այդ իսկ պատճառով քայքայվել են։ Անցնելով այդ խողովակներով ջրին խառնվում են նաև ժանգի և կեղտի փոքրիկ մասնիկներ, ինչը նույնպես փչացնում է ջրի որակը։ Այդ ամենից հետո մանրեները ոչնչացնելու նպատակով, ջրին պարտադիր խառնում են որոշ քանակի քլոր, ինչը  նույնպես ունի բացասական ազդեցություն։

Այս բոլոր խնդիրներից կարող են առաջանալ բազմաթիվ հիվանդություններ՝ դիզենտերիա, ստամոքս-աղիքային հիվանդություններ, հեպատիտ, նաև հիվանդություններ որոնք առաջանում են ջրում բնակվող միկրոօրգանիզմներից կամ ջրում բազմացող միջատներից և այլն։ Ցավոք եթե մենք այսպես ել շարունակենք խմել այդ ջուրը հնարավոր է, որ ձեռք կբերենք այս հիվանդությունները։ 

Ես կարծում եմ որպեսզի հնարավոր լինի մաքուր պահել ջուրը, նախ և առաջ պետք է ստեղծել էկոլոգիապես մաքուր և անխոչնդոտ ջրուղի։ Պետք է երկրի կառավարությունը մտածի բնակչությանը մաքուր ջուր ապահովելու մասին։  Նաև Հայաստանի յուրաքանչյուր բնակիչ պետք է հասկանա, որ ինքը չպետք է աղտոտի իր երկրի ջուրը։

Եթե ջրի մաքրման հարցը մոտ ժամանակներում այսպես ել չլուծվի, 50 տարի հետո այն կլինի շատ ավելի վատ վիճակում քան հիմա է։ Մաքուր ջրի պահպանման և ապահովման հարցը դարձել է գլոբալ խնդիր ամբողջ աշխարհում։