1. Ինչպիսի՞ օդ
ենք շնչում մենք:
2. Ինչն է աղտոտում
մեր միջավայրի մթնոլորտը:
3. Ինչպե՞ս է ազդում
աղտոտված մթնոլոտը ձեր առողջության վրա, բերել օրինակներ:
4. Ինչպե՞ս
պահպանենք մթնոլորտը աղտոտումից:
1. Այն օդը որը մենք շնչում ենք ամեն օր պարունակում է բազմաթիվ
վնասակար գազեր: Սակայն եթե գնանք անտառ ապա այնտեղի օդի պարունակությունը կլինի բաղկացած
78% ազոտից, 21% թթվածինից, իսկ 1%-ը կազմում են մնացած բոլոր գազերը, որի մեջ մտնում է նաև ածխաթթու գազը և ջրի
գոլորշին: Օդը նաև պարունակում է՝ բակտերիաներ, ծաղկափոշի և տիեզերական փոշի:
2. Օդի աղտոտման գլխավոր
պատճառը հանդիսանում է հանքային վառելիքի` նավթի, քարածխի,
ինչպես նաև կենցաղային ու արտադրական թափոնների և վառելափայտի այրումը: Այդ
ամեինչից էլ առաջանում է շատ վնասակար մի գազ՝ Ածխածնի օքսիդը (CO): CO-ի արտադրության
ամենամեծ բաժինն ընկնում է ներքին այրման շարժիչներին, հատկապես ավտոմոբիլային
տրանսպորտին: Երկրագնդի մթնոլորտն աղտոտող CO-ի ընդհանուր քանակի 75%-ը առաջանում
է բենզինի այրումից, 6%-ը ածխի և 4%-ը փայտի այրումից, 10%-ը արտադրական ու
կենցաղային թափոնների այրումից և 5%-ը անտառային հրդեհներից: CO-ի
պարունակությունը բարձր է հատկապես խոշոր քաղաքներում, իսկ քաղաքի ներսում էլ`
փողոցների խաչմերուկներում ու կանգառներում, որտեղ ավտոմեքենաների կուտակումներ են
լինում:
Մթնոլորտն աղտոտող նյութերի շարքում
երկրորդը ծծմբային գազն է` ծծմբի երկօքսիդը (SO2): Այս գազի առաջացման աղբյուրը
հանքային վառելիքի, առաջին հերթին ածխի, այնուհետև մազութի այրումն է, դրանց բաղադրության
մեջ ծծմբի բաժինը բարձր է, կարող է հասնել 5-7%-ի: Մթնոլորտն
աղտոտող վտանգավոր նյութերից են ազոտի միացությունները` ազոտի օքսիդը (NO) և ազոտի
երկօքսիդը (NO2): Դրանց գլխավոր աղբյուրը բենզինով և դիզելային
վառելիքով աշխատող ներքին այրման շարժիչներն են:
Ազոտի
երկօքսիդը դեղին գույնի, բավականին կայուն գազ է և գոյանում է գլխավորապես
ավտոմոբիլների արտանետումներից: Այն կարող է մթնոլորտում պահպանվել երեք ժամից
ավելի: Հաճախ քաղաքների օդը այդ գազից ստանում է շագանակագույն երանգավորում:
Գազերից բացի , մթնոլորտ են թափանցում և կախված վիճակում լողում
են նաև պինդ և հեղուկ նյութերի մանր փոշեհատիկներ: Դրանք հայտնի են աերոզոլ անունով:
Աերոզոլային մասնիկները տարբերվում են իրենց ֆիզիկաքիմիական հատկանիշներով: Պինդ մասնիկներն
առաջացնում են ծուխ, մառախուղ, ամպեր, մթնոլորտային տեղումներ:
3. Քիմիական նյութերի` պարարտանյութերի,
հերբիցիդների, պեստիցիդների օգտագործումը, վնասում է բոլոր այն բանջարեղենները և մրգերը
որոնք մշակվում են այդ նյութերով: Օրինակ՝ աճեցրաց բարջարեղենը որը մշակված է պարարտանյութերով,
բացի նրանից որ վատ է ազդում մարդու օրգանիզմի վրա այլև փչացնում է հողը:
Հայտնի
է շինարարության մեջ օգտագործվող, մարդու առողջությանը սպառնացող, թունավոր գազեր արձակող
ասբեստը: Արհեստական հենքով գորգերում և պլաստմասաներից պատրաստված արտադրատեսակներում
պարունակվում են երիկամների և լյարդի խանգարումներ առաջացնող քիմիական նյութեր: Կահույքի
թեփատախտակներում որպես լցոն օգտագործվում են աչքերի, կոկորդի, մաշկի և լյարդի բորբոքում
առաջացնող ֆենոլ ֆորմալդեհիդային խեժեր և այլն: Օդի աղտոտիչներ են զանազան ներկերի,
լաքերի, սոսինձների մեջ պարունակվող, լայնորեն օգտագործվող լուծիչները:
Գյուղատնտեսական արտադրության
մնացորդների այրումը և գյուղատնտեսության համար հողատարածություններ ազատելու և փայտածուխ
արտադրելու նպատակով անտառի այրումը, որոնց պատճառով օդն աղտոտվում է կարծր մասնիկներով
և ածխաթթու գազով:
4. Ստեղծել այնպիսի մեքենաներ, որոնք կաշխատեն
առանց վնասակար նյութեր և գազեր արտադրելու:
Ես առաջարկում եմ ստեղծել
մի մեքենա, որի օգնությամբ հնարավոր կլինի արդեն ստեղծված ոչ բնական նյութի (օրինակ՝
պլաստմաս) բաղադրիչ տարրերը անջատել իրարից և ստանալ տարբեր քիմիական նյութեր իրենց
սկզբնական վիճակով, որից հետո կատարելով հատուկ պրոցեդուրաներ հնարավոր կլինի այդ տարրերը
կրկին օգտագործել ուրիշ նյութեր ստանալու համար: Եվ այդպես շարունակ...
Комментарии
Отправить комментарий