Նիկոլո Մաքիավելի (Niccolò di Bernardo dei Machiavelli)
(1469-1527), իտալացի քաղաքագետ, պատմաբան, գրող, ռազմական տեսաբան: Ծնվել է աղքատացած
ազնվականի ընտանիքում: 1498-ից արդեն եղել
է Ֆլորենցիայի Հանրապետության Տասի խորհրդի անդամ, կատարել դիվանագիտական հարձնարարություններ:
1512-ին, Մեդիչիների բռնակալության վերահաստատումից հետո, հեռացվել է ծառայությունից
և աքսորվել իր կալվածքը, որը գտնվում էր Ֆլորենցիայի մոտ:
Մաքիավելին պետության խնդիրը մեկնաբանել է ոչ թե աստվածաբանության,
այլ աշխարհիկ դիրքերից, փորձել է բացատրել հասարակական զարգացման օրենքները: Որպես
կրքոտ հայրենասեր կարաևորել է Իտալիայի վերամիավորումը: Նա քննադատել է ազնվականությանն
ու հոգևորականությանը և համարել նրանց Իտալիայի միավորման թշնամիներ:
Մաքիավելին կառնավալային երգերի, սոնետների, նովելների և գրական
այլ ժանրի երկերի հեղինակ է: Հայտնի է նրա <<Մանդրագորա>> կատակերգությունը,
որտեղ ծաղրել է սնահավատությունը, խրախուսել ազատ, անկաշկանդ սերը: Նրա հերոսները վերածննդի
ոգով օժտված անհատներ են, որոնք հաշվի չեն առնում եկեղեցական <<դասական վարքի>>
նորմերը և վարվում են մարդկային բնության համաձայն՝ հակադրվելով հոգևորականների կեղծ
բարեպաշտությանն, այլասերվածությանը:
1559-ին կաթոլիկ եկեղեցին արգելել է Մաքիավելիի երկերը:
Բռնապետության հիմնավորումները
Մաքիավելին չափավոր դեմոկրատ էր, հանրապետության կողմնակից, բայց
գտնում էր, որ Իտալիայի միավորումը պահանջում է ուժեղ պետականության ստեղծում, որի
համար ընդունելի են նույնիսկ ծայրահեղ միջոցները՝ բռնություն, խաբեություն, սպանություն,
դավաճանություն և այլն (աղավաղելով և միակողմանիորեն բացատրելով Մաքիավելիի ուսմունքը,
նրա հակառակորդները, մասնաորապես Ճիզվիտները , մուծել են <<մաքիավելականություն>>
տերմինը, որ նշանակում էր բարոյականության նորմերն արհամարհող քաղաքականություն):
Ցիտատներ
·
Ապրելու, ձանձրույթից ազատվելու միակ միջոցը մեր կյանքը նվիրելն է մի որևէ բանի:
·
Ծիծաղը երջանկության չափանիշ չէ:
·
Մարդու բնությունն անփոփոխ է, իսկ ճակատագիրը` փոփոխական, ուստի հաջողության կարող են հասնել նրանք, ում գործողությունները համահունչ են ժամանակի պահանջներին:
·
Դատավճիռ կայացնելիս պետք է ղեկավարել մարդասիրությամբ, շրջահայացությամբ ու գթասրտությամբ:
Комментарии
Отправить комментарий